İdarəetmə Sistemləri İnstitutunun əməkdaşı beynəlxalq elmi konfransda iştrak edib

27.08.2022 / Mühüm xəbərlər

İdarəetmə Sistemləri İnstitutunun elmi işçisi Niyazova Rayihə Rasim qızı 25 avqust tarixində Bakı Dövlət Universitetində keçirilən “THE 8th INTERNATIONAL CONFERENCE ON CONTROL AND OPTİMİZATİON WITH INDUSTRIAL APPLICATIONS” adlı Beynəlxalq elmi konfransında “Əmsalları intervallar şəklində verilən çanta məsələsinin innovativ yaxşılaşdırılmış təqribi həll üsulu” (“ AN İNNOVATİVE İMROVED APPROXİMATE METHOD FOR THE KNAPSACK PROBLEM WİTH COEFFİCİENTS GİVEN İN THE İNTERVAL FORM” ) mövzusunda həmmüəllifi olduğu məqalə ilə çıxış edib. O, məqalədə əmsalları intervallar şəklində verilən çanta məsələsi əsasında optimist və pessimist mənalar daşıyan məsələlərin qurulmasını, bundan sonra, həmin məsələlərin təqribi (suboptimal) həllərinin tapılmasını, və tapılmış təqribi həllərin innovativ olaraq daha da yaxşılaşdırılmasına baxıldığını bildirib. Həmçinin təklif olunmuş üsulun proqramının qurulmasını və geniş şəkildə müqayisəli eksperimentlər apardığını konfrans iştirakçılarının diqqətinə çatdırıb. Uğurlu çıxışının sonunda Niyazova Rayihə Rasim qızı sertifikat ilə təltif olunub. Qeyd edək ki, məqalə “WEB OF SCIENCE” indeksli jurnalda işıq üzü görəcək.