İdarəetmə Sistemləri İnstitutunun icraçı direktoru beynəlxalq simpoziumun proqram komitəsinə üzv seçilib
28.09.2022 / Mühüm xəbərlərİdarəetmə Sistemləri İnstitutunun (İSi) icraçı direktoru, AMEA-nın müxbir üzvü Əminağa Sadıqov “Ukrayna elmi müasir çağırışlar və təhdidlər kontekstində: problemlər və inkişaf prioritetləri” adlı beynəlxalq simpoziumun proqram komitəsinin üzvü seçilib.
Simpoziumun əsas məqsədi elmin ekstremal fəaliyyət şəraitindən çıxarılması yollarını müzakirə etmək, onun qorunması və səmərəli inkişafı strategiyalarını hazırlamaqdır.
Simpoziumda aşağıdakı sualların müzakirəsi nəzərdə tutulur:
• elm cəmiyyətin istənilən böhrandan çıxması üçün sübut edilmiş bir vasitə kimi;
• milli elmin ekstremal şəraitdə fəaliyyət göstərməsi problemləri və onların aradan qaldırılması imkanları;
• böhran şəraitində elmə dövlət dəstəyinin xüsusiyyətləri: Avropa təcrübəsi və reallıqlar;
• ən yaxşı dünya təcrübəsini götürməklə insan kapitalının inkişaf etdirilməsi yolları və s.
Qeyd edək ki, akademik B.E.Patonun xatirəsinə həsr olunmuş beynəlxalq simpozium 29 noyabr 2022-ci il tarixində Ukraynanın Kiyev şəhərində keçiriləcək.