Akademik Asəf Hacıyev Çində elmi mühazirələr oxuyub

26.09.2016 / Xəbərlər

İSİ –nin laboratoriya müdiri, AMEA-nın akademiki Asəf Haciyev 25 Sentyabr – - 1 Oktyabr 2016-cı il tarixlərində Hong-Kongun City və Çinin Siçuan universitetlərinin dəvətləri ilə elmi ezamiyyətdə olmuşdur.

26 sentyabr 2016-cı il tarixində A.Haciyev Hong-Kongun City universitetində təşkil olunmuş seminarda çıxış etmişdir. Seminarda ABŞ-ın Stanford universitetinin professoru Tomas Kaylat və Ç.Vaşington universitetinin professoru N.Singpurwalla iştirak edib çıxış etmişlər. Çıxışlarda tətbiqi statistikanın müasir problemləri və müəlliflərin aldıqları son elmi nəticələr təqdim olunmuş və müzakirə edilmişdir.

28 Sentyabr 2016-cı il Siçuan universitetinin 29 nəfərdən ibarət Beynəlxalq Məsləhətçilər Şurası seçilmişdir. Şuraya ABŞ-ın Harvard universitetinin professoru, Nobel mükafatı laureatı Cak Szostak, Harvard universitetinin professoru Leonard van der Kujip, Case Western Reserve universitetinin Prezidenti Jefrey Duerk, AMEA-nın akademiki Asəf Haciyev və digər alimlər seçilmişdir.

29-30 sentyabr 2016-cı il tarixlərində A.Haciyev Siçuan univesitetində mühazirələr oxumuş və ehtimal nəzəriyyəsi və tətbiqi statistika sahəsində aldığı son nəticələri təqdim etmişdir. Tədbirdə iştrak edən ABŞ, Yaponiya, Cənubi Koreya universitetlərinin tanınmış alimləri ilə birgə elmi araşdırmaların yolları müzakirə edilmişdir.