İdarəetmə Sistemləri İnstitutunda magistrantların attestasiyası keçirilib

17.03.2023 / Mühüm xəbərlər

Azərbaycan Respublikası Elm və Təhsil Nazirliyinin İdarəetmə Sistemləri İnstitutunda “Kompüter elmləri” və “Proseslərin avtomatlaşdırılması mühəndisliyi” ixtisasları üzrə təhsil alan I və II kurs magistrantların attestasiyası keçirilib.

Attestasiya Komissiyasının iclası İdarəetmə Sistemləri İnstitutunun icraçı direktoru, AMEA-nın müxbir üzvü Əminağa Sadıqovun sədrliyi ilə keçirilimişdir. O, iclası açıq elan etdikdən sonra iclas iştirakçılarını Attestasiya komissiyasının tərkibi ilə tanış etmiş, magistrantlara attestasiyanın keçirilməsinin əhəmiyyətindən söz açmışdır.

Sonra söz növbə ilə magistrantlara verilmişdir. Magistrantlar öz dissertasiya işlərinin mövzularına uyğun olaraq fərdi iş planlarında nəzərdə tutulan elmi-tədqiqat işlərinin yerinə yetirilməsinin gedişatı, konfranslarda iştirak, elmi işlərin dərc olunması haqqında məlumat veriblər.

Komissiyanın üzvü, institutun Təhsil şöbəsinin müdiri riyaziyyat üzrə fəlsəfə doktoru Sevinc Quliyeva Komissiya üzvlərini magistrantların qış imtahan sessiyasının nəticələri ilə tanış etmişdir.

Daha sonra hər bir magistrantın gördüyü işlər ətrafında geniş müzakirələr aparılmışdır. Magistrantlar Komissiya üzvlərinin – elmi katib Zəhra Əzizova, texnika elmləri doktoru Asif Rzayev və dosent Gülçin Abdullayevanın suallarını cavablandırmış, onların çıxış və tövsiyələrini dinləyiblər.

Yekunda Attestasiya Komissiyası magistrantların attestasiya olunaraq növbəti semestrə keçirilməsi barədə qərar qəbul etmişdir.