“Əqli Mülkiyyətin Qorunması” Seminarı

20.11.2015 / Xəbərlər

18-20 noyabr 2015-ci il tarixində "Grand Otel Baku” mehmanxanasında Azərbaycan Respublikasının Standartlaşma, Metrologiya və Patent üzrə Dövlət Komitəsi və Avropa İttifaqının TALEX aləti təşkilatı ilə birgə "Danimarka Kralliği Patent və Əmtəə Nişanları İdarəsinin təcrübəsi” mövzusunda təlim-seminarı keçirilmişdir. Seminarda Sənaye Mülkiyyəti Obyektlərinin Ekspertizası Mərkəzinin (AzPatent) mütəxəssisləri, müvafiq dövlət və özəl sektor nümayəndələri iştirak etmişdilər.

Azərbaycan Respublikasının Standartlaşma, Metrologiya və Patent üzrə Dövlət Komitəsi yanında AzPatentin direktoru cənab Miryaqub Seyidov tədbirə sədrlik etdi. Seminarı Danimarka Patent və Əmtəə Nişanları İdarəsinin söbə müdiri cənab Mogens Baltsen təqdim etdi.

Tədbirin məqsədi iştirakçılara əqli mülkiyyətin qorunması sahəsində prinsiplər və metodlar haqqında geniş məlumat vermək idi. Seminar zamanı iştirtakçılar Danimarkanın Patent və Əmtəə Nişanları İdarəsinin təcrübəsilə yanaşı Avropa Patentləşdirmə sistemi ilə tanış oldular.

Seminarda AMEA-nın İSİ-nun şöbə müdiri texnika üzrə fəlsəfə doktoru Əsədova Rəna və həmin şöbənin elmi işçisi Əliyeva Aygün iştirak etmişdilər.