İdarəetmə Sistemləri İnstitutunun əməkdaşları beynəlxalq elmi seminarda iştirak edirlər

27.03.2023 / Mühüm xəbərlər

21-25 aprel 2022-ci il tarixlərində Urkrayna MEA Kibernetika İnstitutu, AR Elm və Təhsil Nazirliyi İdarəetmə Sistemləri İnstitutu (İSİ), Moldova Riyaziyyat və İnformatika İnstitutunun təşkilatçılığı ilə V Modelling and Optimization in Transport and Logistics beynəlxalq konfransı keçirilməli idi. Konfrans tarixindən əvvəl prof. D.H. Solomona, prof. M.Y. Qriqorak, prof. K.R. Ayda-zadə, prof. D.D. Lozovanu, prof. P.İ. Stecuk redaktorluğu ilə İSİ-nin əməkdaşları prof. Kamil Ayda-zadə, r.e.d. Yeganə Əşrəfova və r.e.d. Anar Rəhimovun da məqalələri (Оптимизация мест и мощностей источников системы сетевой структуры, Айда-Заде К.Р., Ашрафова Е.Р.; Приведение задачи определения значений и областей постоянства фильтрационных параметров к задаче сетевой структуры Айда-Заде К.Р., Рагимов А.Б.) daxil olmaqla konfransın materialları nəşr edilmişdir.

2022-ci ilin fevral ayında Ukraynada baş verən məlum hadisələr səbəbinən konfransın təşkilat komitəsi tərəfindən may ayından etibarən hər ay 2 dəfə olmaqla beynəlxalq seminarlar keçirməyə qərar verildi. Seminarlarda 10-dan çox ölkədən (ABŞ, İtaliya, Almaniya, Monteneqro, Azərbaycan, Ukrayna, Moldova və s.) olan konfrans iştirakçılarının məruzələri dinləniləcək.

14 mart 2023-cü il tarixində Modelling and Optimization in Transport and Logistics mövzusunda beynəlxalq elmi seminar onlyan formatda keçirilmişdir. Seminarda ABŞ-ın Corc Meyson Universitetinin professoru Roman A. Polyakın “Optimallaşdırmada qızıl illər” mövzusunda məruzəsi dinlənilmişdir. İdarəetmə Sistemləri İnstitutunun əməkdaşları seminarda fəal iştirak etmişlər.

28 mart 2023-cü il tarixində isə Modelling and Optimization in Transport and Logistics mövzusunda onlyan formatda keçirilən beynəlxalq elmi seminarda institutun əməkdaşları prof. K.Ayda-zadə və r.e.d. Y.Əşrəfovanın “Оптимизация мест и мощностей источников системы сетевой структуры” mövzusunda məruzəsi dinləniləcək.