Akad. Əli M. Abbasovun rəhbərliyi ilə koqnitiv texnologiyalar üzrə ...
15.10.2015 / XəbərlərAkad. Əli M. Abbasovun rəhbərliyi ilə koqnitiv texnologiyalar üzrə disertasiya işi müvəffəqiyyətlə müdafiə olunmuş və Respublika AAK tərəfindən təsdiq edilmişdir.
AMEA İdarəetmə Sistemləri İnstitutunda disertant İslam İ. Səfərlinin "Telekommunikasiya şirkətlərinin açar idarəedici kompetensiyalarının identifikasiyasının üsul və modelləri” disertasiya işi müdafiə olunmuş və AAK-nın təsdiqini almışdır.
İslam İ. Səfərli tərəfindən işlənmiş üsul və modellərin əsasını koqnitiv texnologiyaların ideya və instrumental vasitələri təşkil edir.
ABŞ Milli Elm Fondu tərəfindən koqnitiv texnologiyalar bio-, nano- və informasiya texnologiyaları ilə yanaşi gələcək 50 il dünya elminin əsas trendlərinə aid olunmuşdur (NBIC-Convergense) .
Disertasiya işinin elmi rəhbəri akad. Əli M. Abbasovdur.
Elmi məsləhətçi - Robert Ə. Qarayevdir.
Bu, Azərbaycanda koqnitiv texnologiyalar üzrə müdafiə olunan ikinci elmi işdir.
Respublikada koqnitiv texnologiyalar üzrə birinci iş 2004-cü ildə yerinə yetirilmişdir. Bu işin də elmi rəhbəri akad. Əli M. Abbasovdur.
Koqnitiv texnologiyalar mürəkkəb (zəif strukturlu) obyektlərin modelləşdirilməsi və idarə olunmasında yeni mərhələni açır. Deterministik, ehtimal və qeyri-səlis xarakterli ənənəvi obyektlərdən fərqli olaraq belə tipli obyektlər müasir dünya obyektlərinin dominant sinfini təşkil edir.