İdarəetmə Sistemləri İnstitutunun əməkdaşları beynəlxalq elmi seminarda iştirak ediblər

03.04.2023 / Mühüm xəbərlər

2022-ci ilin fevral ayında Ukraynada baş verən məlum hadisələr səbəbinən “Modelling and Optimization in Transport and Logistics” V beynəlxalq elmi konfransının təşkilat komitəsi tərəfindən may ayından etibarən hər ay 2 dəfə olmaqla beynəlxalq seminarlar keçirilməsi qərara alınmışdır.

28 mart 2023-cü il tarixində onlayn formatda keçirilən növbəti seminarda AR Elm və Təhsil Nazirliyi İdarəetmə Sistemləri İnstitutunun (İSİ) əməkdaşları professor Kamil Ayda-zadə və r.e.d. Yeganə Əşrəfovanın “Оптимизация мест и мощностей источников системы сетевой структуры” (Şəbəkə strukturlu sistemlərdə mənbələrin yerlərinin və güclərinin optimallaşdırılması) mövzusunda məruzəsi dinlənilmişdir.

Məruzədə mürəkkəb obyektin fəaliyyətinə təsir edən toplanmış mənbələrin yer və güclərinin optimallaşdırılması məsələsinin həlli tədqiq olunur. Qeyd edilir ki, obyekt hər birinin vəziyyəti qeyri-lokal sərhəd şərtli adi diferensial tənliklər sistemi ilə təsvir olunan çoxlu sayda birölçülü obyektlərdən ibarətdir. Alt obyektlər bir-biri ilə yalnız başlanğıc və ya son nöqtələrindəki qiymətləri ilə ixtiyari qaydada birləşmişdir. Məqsəd funksionalının optimallaşdırılan mənbələrin təsir gücləri və yerlərinə nəzərən qradienti üçün əldə edilmiş düsturlardan istifadə etməklə birinci tərtib optimallaşdırma metodlarına əsaslanan ədədi həlli sxemi təklif olunur. Məruzədə ədədi eksperimentlərin nəticələri təqdim olunmuşdur.

Seminarda mövzu ətrafında müxtəlif suallar cavablandırılmış, məruzə iştirakçılar tərəfindən maraqla qarşılanmışdır.

Seminar haqqında ətraflı məlumat: https://incyb.kiev.ua/ru/event/seminar-motl7-2023-03-28