2014-cü il iyunun 30-da Azərbaycan Milli Elmlər Akademiyasının ümumi yığıncağında AMEA-nın həqiqi və müxbir üzvlüyünə seçkilər keçirilmişdir. AMEA-nın prezidenti, akademik Akif Əlizadənin sözlərinə görə, akademik seçkilər istər hüquqi, istərsə də texniki baxımdan müasir tələblərə uyğun və şəffaf keçirilib. Səsvermə nəticəsində akademiyaya 26 həqiqi və 50 müxbir üzv seçilib. Sevindirici haldır ki, bu üzvlərdən ikisi İdarəetmə sistemləri institutunun əməkdaşlarıdır. "İdarə olunan kütləvi xidmət suistemləri” laboratoriyasının müdiri, r. e.d., professor , AMEA-nın müxbir üzvü Hacıyev Asəf Hacı oğlu AMEA-nın həqiqi üzvü, "Determinik sistemlərdə qərarqəbuletmənin ədədi üsulları” laboratoriyasının müdiri, r.e.d., professor Aydazadə Kamil Rəcəb oğlu isə AMEA-nın müxbir üzvü seçilmişlər. Hər iki alimi təbrik edir, onlara möhkəm can sağlığı, gələcək elmi işlərində nailiyyətlər arzulayırıq.