2023-cü il üçün doktorantura və dissertanturaya sənəd qəbulu başa çatmışdır

18.05.2023 / Mühüm xəbərlər

Azərbaycan Respublikası Nazirlər Kabinetinin 10 mart 2023-cü il tarixli 261s nömrəli sərəncamı ilə təsdiq edilmiş “Azərbaycan Respublikasının ali təhsil müəssisələrinin, elmi müəssisə və təşkilatların 2023-cü il üçün doktorant və dissertant hazırlığı üzrə qəbul planı”na əsasən fəlsəfə doktoru və elmlər doktoru hazırlığı üzrə doktoranturaya və dissertanturaya qəbul elan edilmişdir.

Bu il ilk dəfə olaraq İdarəetmə Sistemləri İnstitutunda (İSİ) sənəd qəbulu “Təhsil Mərkəzləşdirilmiş İnformasiya Sistemi” (TMİS) vasitəsilə elektron qaydada həyata keçirilmişdir. Doktoranturaya və dissertanturaya sənəd təqdim etmək istəyən şəxslər 12 aprel 2023-cü il tarixindən başlayaraq 16 may 2023-cü il tarixinə qədər Azərbaycan Respublikası Elm və Təhsil Nazirliyinin https://portal.edu.az saytına daxil olaraq, orada təlimatlara uyğun olaraq qeydiyyatdan keçiblər.

“Qəbul planı”na əsasən İSİ-nin fəlsəfə doktoru hazırlığı üzrə doktoranturasına 5, dissertanturasına 8, elmlər doktoru hazırlığı üzrə doktoranturasına 3 yer ayrılmışdır.

Sənəd qəbulunun yekunlarına əsasən İSİ-nin fəlsəfə doktoru hazırlığı üzrə doktoranturasına 20, dissertanturasına 3, elmlər doktoru hazırlığı üzrə doktoranturasına 3 iddiaçı müraciət edərək qeydiyyatdan keçmişdir.