AMEA FRTEB-nin illik hesabatı iclası keçirildi

11.01.2013 / Xəbərlər

11.01.2013-cü ildə AMEA İnformasiya Texnologiyaları İnstitutunda AMEA Rəyasət Heyətinin növbəti iclası keçirildi. Öncə bölmə institutlarının 20 ildə əldə etdikləri nailiyyətləri əks etdirən sərgi nümayiş etdirildi.

AMEA Fizika-Riyaziyyat və Texnika Elmləri Bölməsinin (FRTEB) 2012-ci il üçün hesabatına həsr olunmuş iclası giriş sözü ilə açan AMEA prezidenti, akademik Mahmud Kərimov gündəlikdəki məsələlər barədə məlumat verdi.

AMEA FRTEB-nin akademik-katibi, akademik Akif Hacıyev bölmə institutlarının 2012-ci ildə elmi və elmi-təşkilati fəaliyyəti haqqında hesabat məruzəsi ilə çıxış etdi. O bildirdi ki, ötən ildə bölmə müəssisələrinin planına həm fundamental elmi-tədqiqat işləri, həm də tətbiqi xarakterli elmi-texniki tədqiqatlar daxil edilmişdir.

"AMEA elmi müəssisələrinin başa catdırılmış elmi-tədqiqat və təcrübə-konstruktor işlərinin 2012-ci il üçün tətbiq planı”na bölmə müəssisələrinin 31 işi (14-ü keçici) daxil edilmiş, bu işlər plan üzrə tam yerinə yetirilmişdir.

Akademiklər Arif Həşimov, İsmayıl İbrahimov, Telman Əliyev, AMEA-nın müxbir üzvləri Rasim Əliquliyev, Adil Qəribov, Asəf Hacıyev, Əyyub Quliyev, fizika-riyaziyyat elmləri doktoru Nazim Məmmədov hesabatla bağlı çıxış edərək bölmənin illik hesabatını yüksək qiymətləndirdilər.

AMEA Fizika-Riyaziyyat və Texnika Elmləri Bölməsinin 2011-ci ildəki elmi və elmi-təşkilati fəaliyyəti haqqında hesabatı müzakirə edildikdən sonra AMEA RH-ın qərarı ilə təsdiq edilərək AMEA-nın illik hesabatına daxil edildi.