VIII Ümumdünya Yumşaq Hesablamalar Konfransının materialları Springer nəşriyyatında çap olunub
10.07.2023 / Mühüm xəbərlər
3-5 fevral 2022-ci il tarixində İdarəetmə Sistemləri İnstitutunda (İSİ) Azərbaycan Milli Elmlər Akademiyası (AMEA), AR Rəqəmsal İnkişaf və Nəqliyyat Nazirliyi və AR Elm və Təhsil Nazirliyinin təşkilatçılığı ilə keçirilən Lütfi Zadənin anadan olmasının yüz illiyinə və elmi irsinə həsr olunmuş VIII Ümumdünya Yumşaq Hesablamalar Konfransının materialları Springer nəşriyyatı tərəfindən “Tədqiqat, Əsaslar və Tətbiqlərdə Son İnkişaflar və Yeni İstiqamətlər” adlı kitabda dərc olunub.
İSİ-nin baş direktoru, akademik Əli Abbasov, Azərbaycan Respublikası Lütfi Zadə adına Beynəlxalq Müasir Elmlər Akademiyasının həqiqi üzvü, Lütfi Zadənin elmi irsinə həsr olunan Soft Computing üzrə ümumdünya konfranslarının baş katibi, professor Şahnaz Şahbazova, Beynəlxalq Qeyri-səlis Sistemlər Assosiasiyasının vitse-prezidenti Vladik Kreynoviç, Polşa Elmlər Akademiyasının Sistemlərin Tədqiqatı İnstitutunun professoru Yanuş Kacprjik və Meksika Süni İntellekt Cəmiyyətinin prezidenti, Meksika Elmlər Akademiyasının həqiqi üzvü İldar Batırşinin redaktorluğu ilə çap olunan elmi nəşrdə yumşaq hesablama, qeyri-səlis məntiq və qeyri-səlis çoxluqlar, idrakda qeyri-müəyyənlik, neyron şəbəkələr, koqnitiv modelləşdirmə və digər sahələr üzrə aparılan yeni araşdırmaların elmi nəticələri təqdim olunub.
Sözügedən nəşrlə tanış olmaq üçün aşağıdakı linkə keçid edə bilərsiniz:
