İdarəetmə Sistemləri İnstitutunun əməkdaşı beynəlxalq konqresə dəvət olunub
15.08.2023 / Mühüm xəbərlər
AR Elm və Təhsil Nazirliyi İdarəetmə Sistemləri İnstitutunun (İSİ) Süni intellekt metodlarının tətbiqi ilə tanınma məsələlərinin tədqiqi laboratoriyasının aparıcı elmi işçisi, professor Şahnaz Şahbazova 20-23 avqust 2023-cü il tarixlərində Cənubi Koreyanın Tequ şəhərində keçiriləcək Beynəlxalq Qeyri-səlis Sistemlər Assosiasiyasının (IFSA 2023) 20-ci Ümumdünya Konqresinə dəvət olunub.
Alimin məqaləsində professor Lütfi-Zadənin həyatı və elmi irsi təsvir edilmiş, Bakıda keçirdiyi uşaqlıq illəri, həyatı və elmi işlərinin ilkin nəticələri, eləcə də elmi kəşflərindən bəhs edilmişdir. Lütfi-Zadənin digər alimlərlə (müəllimi Norbert Viner, Rudolf Kalman, Charles A.Desoer və başqaları) əməkdaşlığı və həyatın son mərhələsinə qədər olan elmi fəaliyyəti barədə ətraflı məlumat verilmişdir. Həmçinin Lütfi Ə. Zadənin ölümündən sonrakı 5 il ərzində onun davamçılarının elmi fəaliyyəti haqında məlumatlar təqdim olunmuşdur.
Qeyd edək ki, sözügedən konqresin əsas məqsədi qeyri-səlis nəzəriyyənin və onun tətbiqlərinin bütün aspektlərinin tədqiqatçı və təcrübəçilərini bir araya gətirərək sözügedən sahələrdə fikir mübadiləsinin aparılmasından ibarətdir.
Ətraflı məlumat üçün aşağıdakı linkə keçid edə bilərsiniz:
