İdarəetmə Sistemləri İnstitutunun əməkdaşları beynəlxalq elmi konfransda iştirak ediblər

22.09.2023 / Mühüm xəbərlər

AR Elm və Təhsil Nazirliyi İdarəetmə Sistemləri İnstitutunun (İSİ) Mürəkkəb dinаmik sistemlərdə idаrəetmə üsulları laboratoriyasının müdiri, professor Kamil Mənsimov və laboratoriyanın aparıcı elmi işçisi, dosent Rəşad Məstəliyev 18-23 sentyabr  2023-cü il tarixlərində Rusiyanın İrkutsk şəhərində  keçirilən V beynəlxalq “Dinamik sistemlər və kompüter elmləri: nəzəriyə və  tətbiqləri” (DYSC-2023) beynəlxalq konfransında iştirak ediblər. Konfrans İrkutsk Dövlət Universiteti Riyaziyyat və İnformasiya Texnologiyaları İnstitutunun təşkilatçılığı ilə hibrid  formatda keçirilib.

Kamil Mənsimov A.Abdullayev, dos. S.Əliyeva, A.Mənsimzadə, K.Əliyev, A.Kərimova və Ş.Süleymanova ilə həmmüəllif olduğu diskret və kəsilməz sistemli optimal idarəetmə məsələlərində optimallıq şərtlərinin alınmasına həsr olunmuş 6 tezis ətrafında məruzə edib. Rəşad Məstəliyev isə “Stoxastik diskret idarəolunan sistemlərdə optimal proseslər haqqında” (К оптимальным процессам в стохастических дискретных управляемых системах) adlı mövzuda məruzə edib. Məruzələr konfrans iştirakçılarının marağına səbəb olmuş, mövzular ətrafında müxtəlif suallar cavablandırılmışdır.

Qeyd edək ki, K.Mənsimov konfransın  proqram komitəsin üzvü seçilmişdir.