İdarəetmə Sistemləri İnstitutunun əməkdaşı beynəlxalq konfransda iştrak edib

07.12.2023 / Mühüm xəbərlər

AR Elm və Təhsil Nazirliyi İdarəetmə Sistemləri İnstitutunun (İSİ) Mürəkkəb dinamik sistemlərdə idarəetmə üsulları laboratoriyasının aparıcı elmi işçisi, dosent Rəşad Məstəliyev 4-8 dekabr 2023-cü il tarixlərində Rusiya federasiyası Kabardin-Balkar Respublikasının  Nalçik şəhərində keçirilən VII beynəlxalq “Lokal olmayan sərhəd məsələləri və riyazi-biologiya, informatika və fizikanın əlaqəli problemləri” adlı konfransda iştrak edib.

Konfrans Rusiyanın  Nalçik Tətbiqi Riyaziyyat və Avtomatlaşdırma İnstitutu, Çərkəziyanın Beynəlxalq Elmlər Akademiyası, Kabardin-Balkar Respublikası Dövlət universiteti, Rusiyanın  Novosibr Riyaziyyat mərkəzi, Özbəkistanın  Romanov adına Daşkənd Riyaziyyat İnstitutu və Riyaziyyat və Azərbaycanın Mexanika İnstitutunun birgə təşkilatçılığı ilə keçirilib. Konfrans diferensial tənliklər, xüsusən də kəsr tərtib diferensial tənliklər sahəsində tanınmış alim, professor A.M.Naxuşovun 85 illiyinə həsr olunub.

 Dosent Rəşad Məstəliyev “Lokal olmayan fiziki, bioloji və sosial-iqtisadi proseslərin riyazi modelləşdirilməsi” seksiyasında prof. Kamil Mənsimovla həmmüəllif olduğu “Stoxastik diskret idarəolunan sistemlərdə məxsusi idarələrin optimallığı haqqında” mövzusunda məruzə edib. Məruzə iştrakçıların marağına səbəb olub, mövzu ətrafında müzakirələr aparılıb, suallar cavablandırılıb.