İSİ-də Dövlət Proqramı Layihəsinin müzakirəsi keçirilmişdir

24.10.2016 / Xəbərlər

24 oktyabr 2016-cı il tarixində İSİ–də "NANO VƏ DİGƏR TEXNOLOGIYALARIN TƏTBİQİ İLƏ NEFTÇIXARMANIN İNTELLEKTUAL ONLİNE İDARƏETMƏ SİSTEMİNİN YARADILMASI” mövzusunda dövlət proqramı layihəsinin müzakirəsi keçirilmişdir.

Müzakirələrdə İSİ-nin direktoru, akademik Telman Əliyev başda olmaqla, institutun layihə hazırlığında iştirak edən alimləri – o cümlədən, direktorun emi işlər üzrə müavini, t.e.d. O. Nüsrətov, "Neft sənayesində nanotexnologiyaların tətbiqində riyazi modelləşdirmə” laboratoriyasının rəhbəri, t.e.d., professor Şahbazov Eldar, texnika üzrə fəlsəfə doktoru F. Paşayev, t.e.d. A.Həsənov, "Xarici əlaqələr və innovasiya” şöbəsinin müdiri, t.ü.f.d. T. Bababayev və digər elmi işçilər, AMEA və Neft və Qaz institunun aparıcı mütəxəssisləri, Geologiya ve Geofizika institutunun laboratoriya müdiri, müxbir üzv Camalov Qərib, Neft və Qaz institutunun aparıcı mütəxəssisləri iştirak etmişdirlər.

Layihəni təqdim edən «Neftqazçıxarma obyektlərinin nəzarət, diaqnostika və idarəetmə sistemləri»  laboratoriyasının rəhbəri, t.ü.f.d, dosent Asif Rzayev proqramın məqsədi, nanotexnologiyaların tətbiqi üsulları, İşlənmənin son mərhələsində olan yataqlarda nanotexnologiyaların tətbiqi ilə neft hasilati proseslərinin operativ idarə olunmasının prinsipləri, bu prinsiplərin "online” rejimdə idarə edilməsini təmin edən intelektual sistemin yaradılmasının zəruriliyi və Dövlət Proqramının həyata keçirilməsindən gözlənilən nəticələr haqda ətraflı məlumat vermişdir. O, AMEA-nın Neft və Qaz İnstitutunun, Geologiya və Geofizika İnstitutunın, SOCAR-ın "Nanotexnologiyalar” Elmi-İstehsalat Mərkəzinin mütəxəssislərinin və müzakirədə iştirak edən digər mütəxəssislərin qeyd və tövsiyələrini nəzərə almaqla bu gün təqdim olunan proqram layihəsinin yenidən hazırlandığını diqqətə çatdırmışdır.

Layihə ətrafında geniş müzakirələr keçirilmişdir.

Yekun olaraq İSİ-nin direktoru, akademik Telman Əliyev layihənin növbəti müzakirəsinin AzNeft İstehsalat Birliyinin növbəti seminarında keçirilməsini tövsiyyə etdi.