“Vergi sahəsində kadr hazırlığı: problemlər və perspektivlər” mövzusunda dəyirmi masa keçirilmişdir

07.10.2016 / Xəbərlər

07 oktyabr 2016-cı il tarixində Vergilər Nazirliyinin Şamaxı rayonunda yerləşən Tədris Mərkəzində "Vergi sahəsində kadr hazırlığı: problemlər və perspektivlər” mövzusunda dəyirmi masa keçirilmişdir.

Konfransda Vergilər Nazirliyinin Tədris Mərkəzi, Şamaxı rayonu İcra Hakimiyyəti, Azərbaycan Milli Elmlər Akademiyası, AMCHAM, İstehlakçıların Birliyi, Sahibkarların Konfederasiyasi, Azərbaycan Dövlət İqtisadiyyat Universiteti, Milli Aviasiya Akademiyası, "Deloitte”, "Allianz”, "Gənc Mühasiblər” Birliyi, Baki Dövlət Universiteti, Azad İstehlakçılar Birliyinin nümayəndələri iştirak etmişlər.

İdarəetmə Sistemləri İnstitutu tərəfindən "Fiskal strategiyanın modelləşdirilməsi” laboratoriyasının əməkdaşları, i.e.d., prof. M.R.Tagıyev və elmi işçi E.E.Məmmədova iştirak etmişlər.

Konfransda maliyyə-vergi sahəsində kadr hazırlığı, ali təhsil müəssiisələrində maliyyə sahəsində tədris olunan fənlərin xüsusiyyətləri, informasiya texnologiyalarından istifadə olunma bacariqlarının gücləndirilməsi, maliyyə-vergi sahəsində kadrlara olan tələblərin müəyyənləşdirilməsi, strukturu və ona uyğun tədris materiallarının hazırlanması və vergi sistemində tədris və təlim konsepsiyası, həmçinin peşə fəaliyyətinin ümumi əsasları, ixtisas və innovasiya sahələri üzrə kursların nəzəri və praktiki aspektləri məsələləri müzakirə olunmuşdur.