ED 1.20 Dissertasiya şurasının iclası keçirilib

26.01.2024 / Dissertasiya şurasının iclasları

26 yanvar 2024-cü il tarixində Azərbaycan Respublikası Elm və Təhsil Nazirliyi İdarəetmə Sistemləri İnstitutunun (İSİ) nəzdindəki ED 1.20 Dissertasiya şurasının iclası keçirilib. Əvvəlcə Şuranın sədri akademik Əli Abbasov iştirakçıları gündəlikdən irəli gələn məsələlərlə tanış edib.

Sonra Şuranın elmi katibi t.ü.f.d., dosent Tahir Əlizadə cari məsələlər barədə ətraflı məlumat verib. İclasda dissertasiya işləri üzrə avtoreferatın əlyazması hüququnda çapına razılıq verilməsi, komissiyanın müəyyən etdiyi “Dissertasiyaların avtoreferatlarının göndərilməli olduğu təşkilatların siyahısı”na əlavə olunacaq ünvanların müəyyən edilməsi, müdafiənin keçirilmə tarixinin və rəsmi opponentlərın təsdiqi məsələlərinə baxılıb. İddiaçı Şəhla Surxay qızı Hüseynzadənin və iddiaçı Şanə Nizami qızı Cahidzadənin dissertasiya işləri üzrə rəsmi opponentləri və müdafiələrin keçirilmə tarixi müəyyən edilib.

Sonra gündəlikdən irəli gələn məsələlər üzrə müvafiq qərarlar qəbul olunub.