Torpaqda baş verən proseslərin sistemli yanaşma metodologiyası və riyazi modelləşdirilməsi məsələləri araşdırılır

29.02.2024 / Nəşr fəaliyyəti

Azərbaycan Respublikası Elm və Təhsil Nazirliyi İdarəetmə Sistemləri İnstitutunun (İSİ) Tətbiqi ehtimal-statistik metodlar laboratoriyasının müdiri t.e.d., dosent Yasin Rüstəmovun “Torpaqşünaslıqda riyazi modelləşdirmə” adlı kitabı çap olunub.

Kitabda torpaqda baş verən proseslərin sistemli yanaşma metodologiyası və riyazi modelləşdirilməsi, modellərin təsnifatı, reallığı, dəqiqliyi və ümumiliyi məsələləri müzakirə olunur. C və N dövranının biogeokimyəvi riyazi modellərinə, torpaqdakı üzvi maddələrin dinamikasına xüsusi diqqət yetirilir. Torpaqdakı suyun, maddələrin və enerjinin ötürülməsinin müasir modelləri təqdim olunur ki, bu da suyun hərəkəti, duzluluq, meliorasiya, torpaqlarda çirkləndiricilərin miqrasiyası, xüsusən aqrokimyəvi maddələrin hesablanması üçün əsasdır.

Kitabda müəllif tərəfindən torpaqşünaslıqda ilk dəfə olaraq etibarlılıq nəzəriyyəsindən istifadə olunmaqla torpaqların münbitliyinin hesablanması üçün yeni metodika dərc olunmuşdur.

Qeyd edək ki, kitab torpaqşünaslıq ixtisasının tələbələri, eləcə də torpaqşünaslıq, ekologiya və təbiət elmləri sahəsindəki tələbələr və mütəxəssislər üçün nəzərdə tutulmuşdur.