SABAH-ın növbəti "Açıq dərs"lərindən biri BDU-də keçirilmişdir

29.02.2016 / Xəbərlər

29 fevral 2016 il tarixində SABAH-ın növbəti "Açıq dərs"lərindən biri BDU-də keçirilmişdir."Açıq dərs"in bu dəfəki mövzusu "Nanotexnologiayaların yaradılması və sənayedə tətbiqi" olmuşdur."Tərəqqi” medalı ilə təltif olunmuş, "Nanoelm və nanotexnologiyaların inkişafına tövhəsinə görə” YUNESKO mükafatı laureatı, Rusiya Təbii Elmlər Akademiyasının akademiki, AMEA İSİ laboratoriya rəhbəri, professor Eldar Şahbazov XXI əsrdə nanotexnologiyaların inkişaf istiqamətləri və nanotexnologiyaların neft sənayesində istifadəsi haqqında tələbələrə geniş bilgilər vermişdir.Tələbələrin marağına səbəb olan məsələlərdən biri də ekoloji tarazlığı təmin etmək üçün nanotexnologiyalardan istifadə edilməsi olmuşdur.Qeyd edək ki, "Açıq dərs"də SABAH tələbələri ilə yanaşı mövzu ilə maraqlanan digər tələbələr də iştirak edə bilərlər.