İdarəetmə Sistemləri İnstitutunun Elmi seminarı keçirilib

15.04.2024 / Maraqlı məlumatlar

9 aprel 2024-cü il tarixində AR ETN İdarəetmə Sistemləri İnstitutunun (İSİ) Elmi seminarı keçirilib. İclasda İSİ-nin “Mürəkkəb dinamik sistemlərdə idarəetmə üsulları” laboratoriyasının aparıcı elmi işçisi, riyaziyyat üzrə fəlsəfə doktoru, dosent Rəşad Məstəliyev  “Qeyri xətti və kvazi xətti stoxastik Qursa-Darbu sistemləri ilə təsvir olunan optimal idarəetmə məsələlərində birinci və ikinci tərtib zəruri şərtlər” adlı mövzuda məruzə etmişdir.

Məruzəçi Rəşad Məstəliyev əvvəlcə birinci və ikinci tərtib hiperbolik tip xətti stoxastik diferensial tənliklər sisteminin  həllinin alınmasını göstərmişdir. Qoyulmuş məsələlərin həlli əsasən Riman matrisinin köməyi ilə verilmişdir. Məruzəçi vurğulayıb ki, sonralar bu həll göstərişləri bizə qeyri xətti və kvazi xətti stoxastik Qursa-Darbu sistemləri ilə təsvir olunan optimal idarəetmə məsələlərində müxtəlif şərtlər daxilində birinci və ikinci tərtib zəruri şərtlərin alınmasında əsas rol oynayır. Sual-cavab formatında keçirilən məruzə tamamlanmadığından məruzənin davamının 30 aprel saat 11:00 da keçirilməsi qərara alınmışdır.