May ayının 12-də Qafqaz Universiteti Texnoparkı tərəfindən təşkil olunan "Təşəbbüskarlıq seminarları” çərçivəsində növbəti görüş həyata keçirildi. Seminarda Azərbaycan Respublikası Vergilər Nazirinin müşaviri, AMEA İdarəetmə sistemləri İnstitutunun laboratoriya rəhbəri, AMEA-nın müxbir üzvü, professor Akif Musayev iştirakçılarla "Azərbaycanda vergi sistemi və iqtisadi inkişaf” mövzusu ətrafında mühazirə oxudu və müzakirələr apardı. Akif müəllim dövlətimizdə vergi sisteminin spesifik xüsusiyyətləri, gündəlik həyatda iqtisadi həllər, iqtisadi inkişafa aparan amillər, iqtisadiyyatın uğurlu gələcəyi hazırki nəsillərdən nə tələb edir kimi məsələlərə toxundu. Seminar əsnasında spiker iştirakçıların suallarını cavablandıraraq onların vergi və iqtisadiyyatın qarşılıqlı əlaqəsi mövzusu barədə daha əhatəli düşünməsinə şərait yaratdı.