ABŞ-ın Alyaska ştatının Ferbanks şəhərində yerləşən Alyaska Universitetinin mütəxəssisləri təyin ediblər ki, süni bbaş verəcək zəlzələni bir neçə gün və hətta bir neçə ay öncədən proqnozlaşdıra bilir. Mütəxəssislər aşkar ediblər ki, machine learning texnologiyası təbii fəlakətlər barəsində hesabatlardakı məlumatları analiz edərək güclü zəlzələlərin baş vermələrindən öncə onların özəlliklərinə dair markerləri identifikasiya edə bilir. Bu fikrin effektivliyini yoxlamaq üçün mütəxəssislər Alyaska və Kaliforniyada baş vermiş iki güclü zəlzələni analiz ediblər.

     

Daha sonra onlar anomal seysmik aktivliklərin identifikasiyası məqsədi istiqamətində məlumatların axtarışı ilə məşğul ola bilən kompüter alqoritmini hazırlayıblar. Alqoritm öz növbəsində süni zəkaya proqnozların və qərarların formalaşdırılması üçün məlumatların effektiv interpretasiyası imkanını verir. Məlum olub ki, analizi aparılmış zəlzələlərin baş vermələrindən 3 ay əvvəl anomal seysmik aktivlik yarana bilər. Həmin anomal seysmik aktivlik Cənubi Mərkəzi Alyaska və Cənubi Kaliforniya ərazilərinin 15-25%-də təyin edilib.

     

Alyaskanın Ankoric şəhərində zəlzələ 30 noyabr 2018-ci il tarixində baş vermişdi. Süni zəka vasitəsilə alimlər təyin ediblər ki, anomal seysmik aktivliyin aşkar edilməsi baş verə biləcək güclü zəlzələnin 3 aydan öncə proqnozlaşdırma ehtimalını 80% yüksəldir. Kaliforniyanın Rickrest şəhərində olmuş zəlzələlərin araşdırılması da bu təbiət hadisəsinin 40 gün öncədən 80%-lik ehtimalla proqnozlaşdırılmasına imkan verib. İndi isə mütəxəssislər bu texnologiyanı reallığa yaxın olan şərtlər altında test etməyi nəzərdə tutublar.