Alimlərin maddi rifah halının yaxşılaşdırılması məqsədilə mükafatlandırılma həyata keçirilir
27.12.2024 / Mühüm xəbərlər
AR Elm və Təhsil Nazirliyinin təşəbbüsü ilə elmi-tədqiqat institutlarında çalışan alimlərin maddi rifah halının yaxşılaşdırılması və elmi fəaliyyətlərinin stimullaşdırılması məqsədilə Elm və Ali Təhsil üzrə Dövlət Agentliyi tərəfindən hazırlanmış “Elmi iş müəlliflərinin müəllif balının hesablanması metodologiyası” əsasında bir sıra tədqiqatçıların maddi mükafatlandırılması həyata keçirilib.
Bununla bağlı İdarəetmə Sistemləri İnstitutuna daxil olmuş 3 iyun 2024-cü il tarixli 3-29-68/2-785/24 nömrəli məktubun icrası istiqamətində institutun 157 nömrəli əmri əsasında hesablayıcı komissiya yaradılmışdır.
Komissiya tərəfindən məlumatlar toplanılaraq müvafiq hesablamalar aparılıb, hesabat tərtib olunmuşdur. Hesabatda son 6 illik dövrü (2018-2024) əhatə edən elmmetrik göstəricilər əsasında “impakt faktor balı” və “istinad balı” üzrə təqdim edilmiş metodologiya ilə institut əməkdaşlarının müəllif balı hesablanmışdır. Hesablama zamanı İdarəetmə Sistemləri İnstitutunun elmi işçilərinin “Scopus” elmmetrik bazasında dərc olunan elmi işləri təhlil edilmiş və bu təhlilin nəticəsinə əsasən müəlliflər seçilmişdir. Sıralama “müəllif balı” indikatoru üzrə əldə olunan yekun nəticələrə uyğun olaraq formalaşdırılmışdır. Sıralamada 65 və yuxarı nəticəsi olan müəlliflər “A” kateqoriyalı, 30-65 bal arası (30 bal daxil olmaqla) nəticəsi olan müəlliflər “B” kateqoriyalı, 10-30 bal arası nəticəsi olan müəlliflər “C” kateqoriyalı hesab edilmişdir.
Təqdim olunan hesabata əsasən aşağıdakı alimlər müvafiq məbləğdə mükafatla təltif olunmuşdur:
“A” kateqoriyası üzrə:
- AMEA-nın həqiq üzvü, t.e.d., professor Telman Əliyev
- AMEA-nın müxbir üzvü, t.e.d., professor Ağası Məlikov
- AMEA-nın müxbir üzvü, r.e.d., professor Kamil Ayda-zadə
“B” kateqoriyası üzrə:
- AMEA-nın müxbir üzvü, r.e.d., professor Vaqif İbrahimov
- R.e.d., professor Vaqif Abdullayev
“C” kateqoriyası üzrə:
- R.e.d., professor Telman Məlikov
- T.e.d., professor Nailə Musayeva
- T.e.d., dosent Polad Heydərov
- R.ü.f.d. Vüqar Həşimov
