İdarəetmə Sistemləri İnstitutunun Elmi seminarı keçirilib

21.01.2025 / Elmi şuranın iclasları

21 yanvar 2025-ci il tarixində AR Elm və Təhsil Nazirliyi İdarəetmə Sistemləri İnstitutunun (İSİ) Elmi seminarı keçirilib. Seminarda institutun “Qərarların qəbul edilməsini dəstəkləyən informasiya sistemləri” laboratoriyasının aparıcı elmi işçisi, elmlər doktoru proqramı üzrə doktorant, r.ü.f.d., dosent Azər Bəyaz oğlu Kərimov Müxtəlif siniflərdən olan siqnalların tanınmasında istifadə olunan yanaşmaların müqayisəsi üçün üsulların və alqoritmlərin işlənməsi mövzusunda məruzə edib.

Məruzədə siqnalların tanınması üsullarının müqayisəsi üçün, həmçinin onlardan konvolyusiya üsullarını yaratmağa imkan verən ardıcıl simmetrik siqnallar alqoritmi işlənib hazırlanmışdır. Bu üsulun tətbiqi ilə həm birölçülü, həm də ikiölçülü siqnallarda müqayisə, tanınma və konvolyusiya üsullarının yaradılması və tətbiqi mövzusu üzrə işlər hazırlanıb həyata keçirilmişdir.