“QADINLAR İKT-DƏ” Respublika elmi – praktiki konfransı keçirildi

25.04.2019 / Xəbərlər

25  aprel  2019-cu ildə AMEA- nın İnformasiya  Texnologiyaları  İnstitutunda “ QADINLAR  İKT-DƏ  BEYNƏLXALQ  GÜNÜ ” nə  həsr  edilmiş  Respublika  elmi – praktiki  konfrans  keçirilmişdir.  Konfransı  giriş  sözü  ilə  AMEA- nın  prezidenti, akademik  Akif  Əlizadə  açıq  elan  etdi.
İclasda  “Ailə,  qadın  və  uşaq  problemləri  komitəsi”nin  sədri,  siyasi  elmlər  üzrə  elmlər  doktoru, professor  Hicran  Hüseynova,  AMEA  Qadınlar  Şurasının  sədri Rəna  Mirzəzadə,  AMEA- nın  müxbir  üzvü  t.e.d, professor  Məsumə  Məmmədova,  Filologiya  üzrə  f.d. Hikmət  Quliyev,  İnformasiya  Texnologiyaları  İnstitutunun  direktoru,  akademik  Rasim  Əliquliyev  çıxış  etdilər.
İdarəetmə  Sistemləri  İnsitutunun  “ İntellektual Sistemələr ” laboratoriyasının  rəhbəri , r.ü.f.d Gülçin  Abdullayeva   “Qadınlar  İKT- də,  beynəlxalq  aləmdə  və  ölkəmizdə  mənzərə”  mövzusu ilə  çıxış  etdi və konfransın sədrləri   və  iştirakçıları  tərəfindən  böyük  marağa  səbəb oldu.
İdarəetmə  Sistemləri  İnstitutunun  elmi  katibi  Əzizova  Zəhra  və  “ Qadınlar  Şurasının ”  sədri , t.ü.f.d., dos.  Əsədova  Rəna  Şərif  qızı da konfransda  iştirak  etmək  üçün dəvət  olunmuşdular.