AMEA-nın İdarəetmə Sistemləri İnstitutu ilə Gürcüstan Kənd Təsərrüfatı Akademiyası arasında Anlaşma Memorandumu imzalanmışdır

05.02.2020 / Xarici əlaqələr və Əməkdaşlıq

15 yanvar 2020-ci il tarixində Gürcüstan Kənd Təsərrüfatı Akademiyası (GKTA) ilə AMEA-nın İdarəetmə Sistemləri İnstitutu (İSİ) arasında elmi-tədqiqat əməkdaşlıq və birgə fəaliyyət haqqında Anlaşma Memorandumu imzalanmışdır.
Memorandumun məqsədlərinə kənd təsərrüfatında və sənayedə istifadə olunan müxtəlif avadanlıqların işlənməsi üçün birgə araşdırmaların və tədqiqatların aparılması; torpaq ekosistemlərindəki problemlərin həllinə dair sistemli yanaşma konsepsiyasına əsaslanan riyazi modellərin işlənməsi, onların adekvatlığının artırılması və tədqiqat nəticələrinin praktiki məsələlərin həllində istifadə edilməsi; əkin sahələrinin diaqnostikası zamanı çoxspektrli aerofotoşəkillərinin emalı və təhlili üçün Coğrafi Informasiya Sistemlərinin (CİS), Qlobal Mövqetəyinetmə Sisteminin (GPS) və məsafədən zondlamadan istifadə edilməsi; həşərat infeksiyalarının sürətli xəritələşdirilməsi; ərazi koordinatlarına bağlı olaraq pestisid və gübrədən (Dəqiq Əkinçilik) istifadəyə dair qaydaların işlənib hazırlanması; Gürcüstan və Azərbaycan iqtisadiyyatının inkişafına yönəlmiş layihələrin planlaşdırılması və həyata keçirilməsi aiddir.