Neft-Kimya Prosesləri İnstitutunda Beynəlxalq “Elmdə Qadınlar və Qızlar” günü münasibəti ilə AMEA-nın “Qadınlar Təşkilatı”nın tədbiri keçirilib

11.02.2020 / Xəbərlər

Fevralın 11-də AMEA-nın akademik Y.H.Məmmədəliyev adına Neft-Kimya Prosesləri İnstitutunda Beynəlxalq “Elmdə Qadınlar və Qızlar” günü münasibəti ilə AMEA-nın “Qadınlar Təşkilatı”nın tədbiri keçirilib.
Bu tədbirdə AMEA NKPİ-nin direktoru akademik Vaqif Abbasov, AMEA-nın vitse-prezidenti akademik İradə Hüseynova, AMEA institutlarının “Qadınlar Təşkilatı”nın sədri, prof. Rəna Mirzəzadə, NKPİ-nin “Qadınlar Təşkilatı”nın sədri Leylufər Əliyeva, katibi Mətanət Şahbazova, NKPİ-nin əməkdaşları və AMEA-nın ayrı-ayrı institutlarının “Qadınlar Təşkilatı”nın sədrləri iştirak etmişlər.

İclası giriş sözü ilə AMEA NKPİ-nin direktoru akademik Vaqif Abbasov açıb.
Sonra AMEA NKPİ-nin “Qadınlar Təşkilatı”nın sədri, prof. Leylufər Əliyeva İnstitutda çalışan qadınlar və qızların elmi fəaliyyəti və qazandıqları nəaliyyətlər  haqqında qısa məlumat verib.

Daha sonra AMEA QT üzvi Mahruz Nəcəfova “Azərbaycanda elmin gender mənzərəsi” adlı məruzə ilə çıxış edib. Tədbirdə AMEA-nın vitse-prezidenti, akademik İradə Hüseynova, akad. Nailə Vəlixanlı, prof. Elmira Süleymanova çıxış edərək qadınların elmdə rolu haqqında ətraflı məlumat veriblər.

AMEA İdarəetmə Sistemləri İnstitutunun “Qadınlar Təşkilatı”nın sədr müavini, i.ü.f.d. Aygün Əliyeva da tədbirdə iştirak etmişdir.