AMEA-nın İdarəetmə Sistemləri İnstitutunun növbəti Elmi Şurası keçirilmişdir
11.03.2020 / Elmi şuranın iclasları11 mart 2020-ci il tarixində AMEA-nın İdarəetmə Sistemləri İnstitutunun Elmi şurasının növbəti iclası keçirilmişdir.
İclası giriş sözü ilə açan İnstitutun direktoru, akademik T.A.Əliyev iclas iştirakçılarını Elmi Şuranın Gündəliyində olan aşağıdakı məsələlərlə tanış etdi:
“AMEA-nın 2020-2025-ci illər üzrə inkişaf proqramından “İrəli gələn prioritet istiqamətlərlə bağlı” 28 yanvar 2020-ci il tarixli məktubu haqqında;
AMEA-nın 75 illik yubileyi haqqında;
t.e.d., prof. Rzayev A.H., t.ü.f.d., dos. Əsədova R.Ş. “Математическое моделирование, автоматическое измерение и управления в процессах добычи, транспорта и подготовке нефти” monoqrafiyasına qrif verilməsi haqqında;
İSİ-nin əməkdaşlarının “ResearchGate” beynəlxalq bazasında qeydiyyatdan keçməsi haqqında.
T.A.Əliyev “Azərbaycan Milli Elmlər Akademiyasının 2020-2025-ci illər üzrə İnkişaf poqramı” çərçivəsində İdarəetmə Sistemləri İnstitutunun İnkişaf proqramının hazırlanması barədə məlumat vermişdir. O, “Azərbaycan Milli Elmlər Akademiyasının 2020-2025 -ci illər üzrə İnkişaf poqramı” na uyğun olaraq İnstitutun hazırladığı proqramın prioitet istiqamətləri və infrastrukturunun modernləşməsinin, optimallaşmasının vacibliyini vurğulamış və bu istiqamətdə tədbirlər planının hazırlanması ilə bağlı Elmi Şura üzvlərinə məlumat vermişdir.
Sonra Elmi şura iştirakçıları qarşıda duran məsələlərlə bağlı tədbirlər planını müzakirə etmişdirlər. İnstitutun “Sosial-iqtisadi sistemlərin modelləşdirilməsi” şöbəsinin rəhbəri, professor İmanov Qorxmaz Cahangir oğlu və “İdarəetmənin riyazi məsələləri” laboratoriyasının rəhbəri, r.ü.e.d İlqar Qürbət oğlu Məmmədov müzakirə olunan məsələlərlə bağlı öz fikirlərini bildirmiş və tədbirlər planına təkliflər irəli sürmüşdürlər.