İdarəetmə Sistemləri İnstitutunun şöbə müdiri AzTU-da “HORİZON 2020” ilə bağlı görüşdə iştirak etmişdir

19.12.2016 / Xəbərlər

Avropa Birliyinin (AB) və digər beynəlxalq təşkilatların maliyələşdirdiyi layihələrdə Azərbaycan Texniki Universitetinin(AzTU) uğurlu iştirakı üçün Universitetdə layihələrin hazırlanması üzrə nəzarət qrupu yaradılacaq. Bu məqsədlə Avropa Birliyinin "Horizon-2020" Elmi Tədqiqat və İnnovasiya Çərçivə proqramının Azərbaycanda İKT və FET (Gələcəyin Qabaqcıl Texnologiyaları) üzrə milli təmsilçisi, Azərbaycan Milli Elmlər Akademiyası (AMEA) İdarəetmə Sistemləri İnstitutunun Xarici Əlaqələr və İnnovasiya şöbəsinin müdiri, texnika üzrə fəlsəfə doktoru Tofiq Babayev AzTU-da olub.
Görüşdə AzTU-nun Elm və texnika üzrə prorektoru İlham Pirməmmədov alimlərinin bu proqrama qoşulmasının üstünlüklərindən danışıb. Prorektor bildirib ki, AzTU proqrama qoşulmaqda maraqlıdı və universitet rəhbərliyi alimlərin bu işə təşviq olunması üçün real addımlar atmaq niyyətindədi.
Tofiq Babayev Avropa Birliyinin qrant layihələri üzrə "Horizon-2020" Elmi-Tədqiqat və İnnovasiya Çərçivə proqamının Azərbaycan alimləri üçün böyük imkanlar açdığını vurğulayıb və proqramın şərtləri haqqında məlumat verib. Bildirilib ki, AzTU bu proqram çərçivəsində təmsil olunmaq üçün böyük bilik potensialına malikdi.
Görüş zamanı layihələrə nəzarət və effektiv işin təşkili üçün işçi qrupunun yaradılması və"Horizon-2020" Elmi Tədqiqat və İnnovasiya Çərçivə Proqramında AzTU alimlərinin də aktiv iştirakı ilə əlaqəli müzakirələr aparılıb.