AMEA İdarəetmə Sistemləri İnstitutunun alimləri Monteneqroda keçirilən OPTIMA-2020 beynəlxalq elmi konfransda məruzə ediblər
02.10.2020 / XəbərlərAMEA İdarəetmə Sistemləri İnstitutunun alimləri Monteneqronun Petrovak şəhərində 2020-ci il sentyabr ayının 28-dən oktyabr ayının 2-nə kimi ZOOM platformasında Onlayn keçirilən ənənəvi XI Beynəlxalq “Optimallaşdırma və tətbiqləri” OPTIMA-2020 elmi konfransında (agora.guru.ru) iştirak etmişlər. Konfrans Monteneqro Universiteti, Monteneqro Elmlər Akademiyası, Rusiya EA-nın Kompüter Hesablama Mərkəzi və s. təşkilatçılığı ilə işinə başlayıb. Hər il ənənəvi keçirilən bu ilki konfrans Monteneqro Elmlər Akademiyasının akademiki Milojika Jakimoviçin 70 illik yubileyinə həsr olunmuşdur.
Konfransda İdarəetmə Sistemləri İnstitutunun alimləri – AMEA-nın müxbir üzvu, prof. Ayda-zadə Kamil, a.e.i., prof. Abdullayev Vaqif “Adi diferensial tənliklər sistemi üçün nöqtəvi və inteqral qiymətli sərhəd şərtlərinin sağ tərəflərinin optimallaşdırılması”, a.e.i., dos. Rəhimov Anar “Parabolik tənlikdə xüsusi tip mənbənin zamandan asılı əmsal-funksiyasının bərpası məsələsinin həlli”, a.e.i., dos. Əşrəfova Yeganə “Şəbəkə strukturlu dinamik sistemlərdə mənbələrin yerinin və gücünün optimallaşdırılması”, e.i. Həşimov Vüqar “Hərəkət edən mənbəyə malik lövhənin qızdırılmasının əks əlaqəli idarə edilmısinə yanaşma haqqında” mövzusunda məruzə ilə çıxış etmişlər. Məruzələr konfrans iştirakçılarının marağına səbəb olmuş, mövzu ərafında müxtəlif suallar verilmişdir.
Onlayn konfransa ABŞ, Fransa, Almaniya, İsveç, Rusiya, Meksika, Portuqaliya, Belçika, Finlandiya, Avstriya və s. kimi 25-dən çox olkənin tanınmış alimləri qatılıblar.