AMEA İdarəetmə Sistemləri İnstitutunun əməkdaşlarının məqaləsi yüksək impakt faktorlu beynəlxalq jurnalda dərc olunmuşdur

25.01.2022 / Nəşr fəaliyyəti

AMEA İdarəetmə Sistemləri İnstitutunun alimləri – AMEA-nın müxbir üzvu, prof. Kamil Ayda-zadə və r.ü.f.d., dos. Anar Rəhimovun həmmüəllifi olduğu məqalə “Web of Science” bazasında indekslənən, 4.091 impakt faktoruna malik Q1 kvartil kateqoriyalı “Applied Mathematics and Computation”  jurnalında dərc olunmuşdur. “Applied Mathematics and Computation” jurnalı nüfuzlu Elsevier nəşriyyatı tərəfindən nəşr olunur.

“Qeyri-lokal şərtli parabolik tənlik üçün məkandan və ya zamandan asılı mənbənin bərpası haqqında” adlı məqalədə qeyri-lokal şərtli parabolik tənlik üçün tərs mənbə məsələləri tədqiq olunur. Məqalədə tərs mənbə məsələlərinin ədədi həlli üçün həllin xüsusi göstərilişinə əsaslanan qeyri-iterativ üsul təklif olunur.

Qeyd edək ki, “Applied Mathematics and Computation” jurnalı Tətbiqi riyaziyyat kateqoriyasında impakt faktorlu 265 jurnal arasında 7-ci mövqedə qərarlaşıb.