“Şərq-Qərb nəqliyyat dəhlizində logistika, idarəetmə və istismar problemləri“ adlı Beynəlxalq Konfrans keçiriləcəkdir
06.10.2021 / Xəbərlər
27-29 oktyabr 2021-ci il tarixlərində AMEA-nın İdarəetmə Sistemləri İnstitutu, Azərbaycan Texniki Universiteti, Polşanın Sileziya Texnoloji Universiteti və Gürcüstanın Texniki Universitetinin birgə təşkilatçılığı ilə “Şərq-Qərb nəqliyyat dəhlizində logistika, idarəetmə və istismar problemləri“ adlı Beynəlxalq Konfrans keçiriləcəkdir. Konfransın veb səhifəsi: http://conf.cyber.az
Konfransda Polşa, Almaniya, Rusiya, Ukrayna, Rumıniya, Litva, Gürcüstan, Bolqarıstan, Belarus, Kazaxstan və digər ölkələrin nümayəndələrinin iştirakı nəzərdə tutulmuşdur.
Beynəlxalq Konfransa qəbul edilmiş məqalələrin IEEE Xplore elektron kitabxanada yerləşdirililməsi və seçilmiş məqalələrin "Informatics and Control Problems" və SCOPUS bazasında 1.8 impakt faktorlu “Transport Problems” jurnallarında çapı nəzərdə tutulur.
Şərq-Qərb nəqliyyat dəhlizi keçmiş İpək Yolunun ayrılmaz hissəsi olub, regional iqtisadi əməkdaşlıq üçün yeni mexanizmlərin inkişafını tələb edən təşəbbüsdür. Üzv ölkələr arasında iqtisadi inkişafı, mədəni mübadiləni və kommunikasiyanı gücləndirir.
“Bir kəmər-- bir yol” konsepsiyasının ayrılmaz hissəsi olan Şərq--Qərb Dəhlizi ticarət yollarını, nəqliyyat və iqtisadi dəhlizlərini yaxşılaşdırmaq və yeni ticarət yolları yaratmaq məqsədi daşıyır. Şərq--Qərb Nəqliyyat Dəhlizi eyni zamanda Avropa ilə Çini birləşdirən ən qısa ticarət yolu hesab olunur.
Regionda yaranmış Yeni qeosiyasi vəziyyət Şərq-Qərb nəqliyyat dəhlizində yeni nəqliyyat dəhlizlərinin yaranmasına, yeni ölkələrin cəlb olunmasına,
Şimal- Cənub və Şərq-Qərb nəqliyyat dəhlisinin kəsişməsində yerləşən Azərbaycanın beynəlxalq ticarət – loqistika mərkəzi olaraq əhəmiyyətini daha da artırır.
Konfransın əsas məqsədi elmi tədqiqat müəssisələrindən, universitetlərdən, beynəlxalq təşkilatlardan, dövlət və özəl sektorlardan olan nümayəndələri bir araya gətirib Şərq--Qərb Nəqliyyat Dəhlizi ilə yüklərin daşınması üçün təçhizat zəncirində olan elmi və praktiki problemləri müzakirə etməkdir. 4-cü Sənaye İnqilabının imkanlarını nəzərə almaqla , rəqəmsal texnologiya və rəqəmsal iqtisadiyyatın tətbiqi bu problemlərin həllıində geniş istifadə oluna bilər.
Biz dövlət, biznes, təhsil və elmi cəmiyyətin nümayəndələrini beynəlxalq elmi və praktiki konfransda iştirak etməyə dəvət edirik.
Konfransda istifadə olunacaq dillər: Azərbaycan, ingilis, və rus.
