AMEA-nın müxbir üzü Qorxmaz İmanovun elmi əsəri beynəlxalq topluda nəşr olunmuşdur

25.05.2022 / Nəşr fəaliyyəti

2022-ci ilin may ayında İspaniya İqtisadiyyat və Maliyyə Elmləri Kral Akademiyasının (RACEF) 18-19 noyabr 2021-ci ildə Barselonada keçirilən "Sars-Covid-2-dən sonra yeni iqtisadiyyat. Reallıqlar və texnoloji inqilab" XVI Beynəlxalq Aktın toplusu işıq üzü görmüşdür. Topluda RACEF-in xarici üzvü, AMEA-nın müxbir üzvü, prof. Qorxmaz İmanovun elmi əsəri də yer almışdır. Əsər Azərbaycanın sosial-iqtisadi inkişafı üçün Covid-dən sonrakı milli prioritetlərə həsr olunmuşdur.

Sözügedən əsərdə IV Sənaye İnqilabının elementlərini və Azərbaycanın 2030-cu ilə qədər inkişaf strategiyasını nəzərə alaraq ölkənin növbəti Post-COVID dövrü üçün itqisadi inkişaf perspektivləri müəyyən edilmişdir. Bu baxımdan informasiya kommunikasiya texnologiyalarının aşağıdakı sahələrdə tətbiqi müəyyən olunmuşdur: dövlət xidmətində effektiv və şəffaf xidmət; sənayedə texnoparkların və sənaye parklarının yaradılması; kənd təsərrüfatında elektron kənd təsərrüfatı informasiya sisteminin yaradılması; nəqliyyatda Avropa və Asiya arasında ticarət yollarının koridoru və s.

Əsərdə, həmçinin maliyyə xidmətlərinin rəqəmsallaşdırılması və bütün proseslərdə informasiya həcminin artırılması qeyd olunur. Bundan başqa, Azərbaycanın dayanıqlı inkişafını təmin edəcək azad olunan ərazilərin kənd təsərrüfatı, alternativ enerji və ekoturizm təqdim edən yaşıl artım potensialının əsası olaraq innovasiya təşəbbüslərinin, insan kapitalının keyfiyyətinin artırılması, təbiət potensialının (günəş, külək, hidroelektrik enerji, neft, qaz, kənd təsərrüfatı sahələri) cəlb olunması kriteriyaları qeyd olunmuşdur.