16 iyun 2017-ci ildə AMEA İdarəetmə Sistemləri İnstitutunun D 01.121 Dissertasiya Şurasının iclası keçirilcək. İclasda  AMEA-nın akademiki T.A. Əliyevin rəhbərliyi ilə Rzayeva Nərmin Eldar qızının texnika üzrə fəlsəfə doktoru elmi dərəcəsi almaq üçün 1203.01 – "Kompüter elmləri" ixtisası üzrə yerinə yetirdiyi "ÜRƏK KÜYÜNÜN ROBAST NOİSE ANALİZ TEXNOLOGİYASININ TƏTBİQİ İLƏ ÜRƏK FƏALİYYƏTİNİN MONİTORİNQİ SİSTEMİ" mövzusu üzrə və t.e.d., prof., AMEA-nın müxbir üzvü A.Z. Məlikovun rəhbərliyi ilə Cəfər-zadə Turan İlqar qızının texnika üzrə fəlsəfə doktoru elmi dərəcəsi almaq üçün 3338.01 – "Sistemli analiz, idarəetmə və informasiyanın işlənməsi" ixtisası üzrə yerinə yetirdiyi "SIÇRAYIŞLI PRİORİTETLƏRİ OLAN KÜTLƏVİ XİDMƏT SİSTEMLƏRİNİN ANALİZİ” mövzusu üzrə dissertasiya işlərinin müdafiəsi keçiriləcək.

Institutumuzun 2.1 saylı İdarəetmənin riyazi məsələləri laboratoriyasının rəhbəri vəzifəsini icra edən, riyaziyyat üzrə elmlər doktoru İlqar Qürbət oğlu Məmmədov M.V.Lomonosov adına Moskva Dövlət Universitetinin Bakı Filialının tətbiqi riyaziyyat fakültəsində 2017-ci ildə filialın tətbiqi riyaziyyat ixtisasının bakalavr və magistr pillələri üzrə Dövlət imtahanlarının keçirilməsi,buraxılış kvalifikasiya işlərinin və magistr dissertasiyalarının müdafiəsi üçün təşkil edilmiş Dövlət İmtahan Komissiyalarının üzvü olmuşdur.

İdarəetmə Sistemləri İnstitutunun Təhsil şöbəsinin rəhbəri, r.ü.f.d. Sevinc Quliyeva və şöbənin baş mütəxəssisi Əsmər Muxtarova 5-6 iyun 2017-ci il tarixlərində Excelsior Baku Hotelində Avropa Komissiyasının Texniki Yardım və İnformasiya Mübadiləsi (TAİEX) proqramına uyğun olaraq AMEA-da hazırlanmış "Təhsil-Elm-Start up İnnovasiya modeli” layihəsi çərçivəsində keçirilmiş seminarda iştirak ediblər.

Azərbaycan Milli Elmlər Akademiyasının Prezidentinin 10 may 2017-ci il tarixli 267 №-li "AMEA-nın magistrantları üçün yay imtahan sessiyasının keçirilməsi haqqında” sərəncamına əsasən magistrantların 2016/2017-ci tədris ili üzrə imtahan sessiyası 2017-ci il 01 iyundan 05 iyuladək keçiriləcək.

İdarəetmə Sistemləri İnstitutunda 060509- "Kömpüter elmləri” və 060628- "Proseslərin avtomatlaşdırılması mühəndisliyi” ixtisasları üzrə təhsil alan 3 magistrant sessiya imtahanlarında iştirak edir.

6-7 iyun 2017-ci ildə Belarusiyanın Minsk şəhərində Şərqi tərəfdaşlıq proqramının 2-ci Platforması "İqtisadi inteqrasiya və AB  strategiyalarıyla  yaxınlaşma” çərçivəsində Rəqəmsal bazarların harmonizasiyası təşəbüsünün( HDM initiatives) elektron ticarət (EU4Digital: eTrade) üzrə 2-ci seminarı keçirilmişdir . Azərbaycan nümayəndə heyətinin tərkibi:

1. Tofiq Babayev, Azərbaycanın Milli Elmlər Akademiyasının İdarəetmə Sistemləri İnstitutunun Xarici əlaqələr və   innovasiyalar şöbəsinin müdiri, Azərbaycanda FET & ICT NCP HORIZON2020  üzrə milli təmsilçi...

31 may 2017-ci il tarixində AMEA-nın Mərkəzi Elmi Kitabxanasında (MEK) İrina Kreyçarovanın iştirakı ilə EBSCO məlumat bazasından istifadə qaydaları ilə bağlı seminar   keçirilmişdir. Seminarda bazadan istifadə qaydaları, o cümlədən, məqalələrin, jurnalların bazaya yerləşdirilməsi, axtarış sistemindən istifadə və s. məlumatlar verilmişdir. Sonra İrina Kreyçarova seminar iştirakçılarının suallarını ətraflı cavablandırmışdır. İdarəetmə Sistemləri İnstitutunun əməkdaşları - Babayeva Sevinc, Puşnova Valeriya və Hacıyeva Ana həmin seminarda iştirak etmişdirlər.

"Doktorantlara, ali təhsil, orta ixtisas və ilk peşə-ixtisas təhsili müəssisələrinin tələbələrinə və şagirdlərinə verilən təqaüdlərin artırılması haqqında” Azərbaycan Respublikası Prezidentinin 2013-cü il 30 avqust tarixli 3108 nömrəli Sərəncamında dəyişikliklər edilməsi barədə Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, "Təhsil haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2016-cı il 14 oktyabr tarixli 338-VQD nömrəli Qanununun tətbiqi məqsədi ilə qərara alıram:

"Doktorantlara, ali təhsil, orta ixtisas və ilk peşə-ixtisas təhsili müəssisələrinin tələbələrinə və şagirdlərinə verilən təqaüdlərin artırılması haqqında” Azərbaycan Respublikası Prezidentinin 2013-cü il 30 avqust tarixli 3108 nömrəli Sərəncamında (Azərbaycan Respublikasının Qanunvericilik Toplusu, 2013, № 8, maddə 988; 2015, № 11, maddə 1339; 2016, № 1, maddə 134) aşağıdakı dəyişikliklər edilsin..

Azərbaycan Respublikasının Prezidenti yanında Elmin İnkişafı Fondu və Azərbaycan Respublikası Gənclər və İdman Nazirliyi tərəfindən Gənc alim və mütəxəssislərin 4-cü birgə qrant müsabiqəsi ("Mənim ilk qrantım”) elan olunub.

Müsabiqə Azərbaycan Respublikasında təbiət, dəqiq, texniki, humanitar və ictimai elmlər sahəsində dövlət və cəmiyyət üçün əhəmiyyət kəsb edən fundamental, tətbiqi və innovasiya xarakterli elmi-tədqiqat layihələri dəstəkləmək, gənc alimlər tərəfindən yaradılmış müvəqqəti yaradıcı kollektivlərin, akademik və təhsil sistemlərində fəaliyyət göstərən, elmi tədqiqatlarla əlaqəli digər qurumlarda (nazirliklərin nəzdindəki elmi-tədqiqat institutları və s.) çalışan gənc alim və mütəxəssislərin elmi  fəaliyyətini stimullaşdırmaq və onlara əlavə yaradıcılıq imkanı yaratmaq məqsədi ilə keçirilir.

Mayın 24-də Azərbaycan Milli Elmlər Akademiyası Rəyasət Heyətinin növbəti iclasında AMEA-nın yeni seçilmiş 16 həqiqi və 25 müxbir üzvünə diplomlar təqdim olunub.

Tədbirdə çıxış edən AMEA-nın prezidenti, akademik Akif Əlizadə yeni üzvləri təbrik edərək onlara elmi fəaliyyət sahəsində dövlət siyasətinin əsas prinsip, məqsəd və prioritetlərinin həyata keçirilməsində uğurlar diləyib, Azərbaycan elminin davamlı inkişafı naminə səfərbər olmağa çağırıb.

AMEA-nın akademik Ə.Hüseynov adına İdarəetmə Sistemləri İnstitutu vakant vəzifəni tutmaq üçün müsabiqə elan edir.

Vakant yer institutun İdarəetmənin riyazi məsələləri laboratoriyasının rəhbəri vəzifəsinədir.